''ЕДИНСТВО'' Боловсролын төв

Эрхүүгийн  улсын техникийн их сургууль нь ОХУ-ын томоохон их сургуулиудын нэг бөгөөд Дорнод Сибирь, Алс дорнодын нутаг дэвсгэртээ томоохонд тооцоогддог. Тус их сургууль 1930 онд Сибирийн уулын институт нэртэйгээр анх байгуулагдсан  ба уулын, геологи хайгуулын, уурхайн гэсэн 3 салбар сургууль бүрэлдэхүүнд нь орж байлаа.Дорнод Сибирийн аж үйлдвэрийн хөгжлийн цар хүрээгээр өргөжин хөгжиж Уулын институт, Политехникийн дээд сургууль хэмээн нэрлэгдэж байгаад 1993 оноос  ЭУТИС нэртэй болсон юм. ЭТИС нь өдөр, оройн ба эчнээ сургалтын факультетуудаас нийтдээ 80 мянга гаруй мэргэжилтэн бэлтгэж гаргасан байна. Олон улсын стандартад нийцсэн иж бүрэн сургалт нь сургуулийн олон улсын нэр хүндийг дээшлvvлж, Ази, Арабын орнууд, Африк, Америк, Европын 39 орны оюутан сонсогчдыг сонирхлыг татаж чадсан юм.Инженерийн боловсон хүчин бэлтгэхэд оруулсан хувь нэмрийг үнэлж ЗСБНХУ-ын Хөдөлмөрийн гавъяаны улаан тугийн одон (1980 оны 4 сарын 11-нд), БНМАУ-ын Хөдөлмөрийн гавъяаны улаан тугийн одонгоор (1972 оны 12 сарын 19-ны нд) тус тус шагнагджээ. Тус сургууль техник, эдийн засаг, нийгмийн чиглэлээр маш өргөн сонголттой мэргэжилийг олгож байна. Өдөр, эчнээ, оройн гэсэн сургалтын хэлбэрүүдтэй. Зах зээлийн орчин үеийн байдлыг анхаарч, хэтийн төлөвөө гарган ажилласанаар ЭУТИС нь шинэ хэрэгцээтэй чиглэлээр мэргэжлийн ангиудыг шинээр нээж байгаагийн зэрэгцээ хуучин бэлтгэж байгаа мэргэжлийн чиглэлээрээ ч  сурган хүмүүжүүлэх тогтолцоог улам боловсронгуй болгосоор байна.Тус их сургуулийн мэргэжилтэй боловсон хүчин бэлтгэх үзэл баримтлал нь мэргэжлийн гүнзгий мэдлэг олгохоос гадна дэлхийн эдийн засаг, эрх зүйг судлах, орчин үеийн цахим техникийг эзэмших, 1-ээс 2 гадаад хэл дээр чөлөөтэй харилцах зэргийг багтаадаг. ЭТИС нь өөрийн өндөр боловсролтой шинжлэх ухааны сурган хүмүүжүүлэх хамт олноороо зүй ёсоор бахархдаг. 

ДОТУУР БАЙР БОЛОН СУРАЛЦАХ ОРЧИН 
Оюутны дотуур байрны төлбөр /1 сард/ 375-410 рубль
Нэг өрөөнд 2-3 оюутан амьдардаг. Дотуур байрны секцид ариун цэврийн өрөө (00, угаалтуур) өрөөтэй. Оюутан нэг бүр бичгийн ширээ, сандал, номын тавиур, ор, хоолны ширээ, шүүгээ, хувцасны шкаф, цонхны хөшиг, ор дэрний хэрэгсэл (цагаан хэрэгсэл, хөнжил, матраци, дэр, орны бүтээлэг)-ээр хангагдана. Цагаан хэрэглэлийг 7 хоногт нэг удаа сольж өгнө. Давхар бүрд гал тогооны тусдаа өрөөтэй. Мөн дотуур байр нь интернетийн болон дотоод сүлжээнд холбогдсон. Дотуур байр нь сургуультайгаа ойрхон тул танд автобусны мөнгө хэрэг болохгүй.

ОЮУТНУУДЫН ЧӨЛӨӨТ ЦАГ 
Оюутнууд чөлөөт цагаа сонирхолтой өнгөрөөдөг. Тэд нар спортын секцүүдэд хичээллэх, лекц сонсох, уралдаан, аялал, тойрон аялал, экскурсэд оролцох боломжтой байдаг. Оюутны клуб нь 30 гаруй жил идэвхтэй үйл ажиллагаа явуулж байна. Түүний бүрэлдэхүүнд 16 бүтээлч хамт олон ордог. Үүнд: Ардын театр   «Предместье», «Урлаг эстрад бүжгийн арт графика чуулга», Орос ардын дууны «Калина» чуулга, эрэгтэйчүүдийн «Пой, Friend» дууны чуулга, авхаалж, сэргэлэнчүүдийн «Веселый Роджер» баг, бүжгийн академик клуб, багш нарын «Флибустьеры» хамтлаг, жаз чуулга, бүжгийн «Детство» чуулга зэрэг болно.
Тус сургууль биеийн тамир спортыг хөгжүүлэхэд ихээхэн анхаарал тавьдаг. Спорт клуб нь бөх, хаданд авирагчид, бокс, уран сайхны гимнастик, кикбокс, аэробек, цана, биатлон зэрэг спорт  сонирхогчдыг нэгтгэж байдаг. 
ЭУТИС-н багууд нь дээд сургуулиудын нэг бус удаагийн аваргууд, ОХУ, Эрхүү мужийн олон улсын янз бүрийн тэмцээнүүдийн ялагчдаар тодорч байсан. ЭУТИС нь Ангар мөрний эрэг дээр спорт, чийрэгжүүлэлтын зуслантай. Биеийн тамир, чийрэгжүүлэлтийн иж бүрдэл, сувилал, амралтын газар, нийтийн хоолны газар, багш сурган хүмүүжүүлэгчдын орон сууц, оюутны байр зэрэг нь сургалтын үйл ажиллагааг хангах, оюутан, аспирант, багш нарын ая тухтай ажиллаж амьдрах нөхцлийг хангахад зориулагдаж байдаг.

ТӨЛБӨР

Бакалавр болон мэргэжилтэний 60 – 100 мянган рубль (тухайн мэргэжилээс хамаарч хэлбэлзнэ)

Хэлний бэлтгэл анги = 45000 рубль
Байрны төлбөр: жилийн 3875-4060 рубль
Эрүүл мэндийн даатгал: 2500 рубль